يقولو ان هذي القصيده كتبها الشاعر الكبير طلال الرشيد " رحمه الله "
وسببها ان فيه واحد كان معترض على تلقيب طلال الرشيد بلقب الأمير
والشخص هذا ترصد للشاعر إلى ما وجد الفرصه لما راح طلال للجزائر
ومعروف ان طلال يحب البر والصيد وهناك قتل الشاعر الكبير
بصراحه قوووووووووووووويه القصيده
ياصغير مايكبرني لقب******ومايصغرني إذا انكرني صغير
ماخذينا الصيت من جمع الذهب****ولا نسابه شيخ أو قربه وزير
كاسبينه من اهل السيف الحدب****الجنايز كان ماجاك النذير
صيتهم نجم على راسه لهب****سمعو الصقهان به واجهر ضرير
بالوفا تاريخ أبيض ينتصب***لا حكوا بالحق حيين الضمير
ضغمين للسناعيس انتسب***لا بهِ طلنا بها عرش كبير
عند حدك ياكثير الهرج تب***لا تمر النار وثيابك حرير
كان لك عز بذلي فتعقب***والله ألاتبطي وحبلك قصير
أحسبنك من صناديد العرب***وأثر ساترتك عباتك ياغرير
ماحسب للسوس زراع القصب***والقراده مادرى عنها البعير
ولو حسبنا للحسايف والتعب***مابذرنا ياالعصافير الشعير
عن هلك ابراي لله واحتسب***الرجال اللي مجارهم عسير
من قريش المصطفى وأبو لهب***والدغالب ماغشت عذب الغدير
للرجال من الرجاجيل العتب***والزكاة تحل في حال الفقير
لعن بو وقتٍ غدينا به حطب***تشعله نار يثورها أجير
ماألومك والزمن سوى العجب***هو بقى غير الكرامه بالجفير
ما أذل وراسي يشم المهب***لو بقى من شمر طفل غرير
ماأهاب ولا يزلزلني غضب***الشجاعه ورث للعاقل غزير
ياصغير مايكبرني بالقب***غير من هو كان من دونه صغير